Talafaasolopito o le Ekalesia
Mataupu 9: Tauiviga ma Taua

“Tauiviga ma Taua,” mataupu 9 o le Au Paia: O Le Tala o le Ekalesia a Iesu Keriso i Aso e Gata Ai, Voluma 3, Lototele, Faatamalii, ma le Tutoatasi, 1893–1955 (2021)

Mataupu 9: “Tauiviga ma Taua”

Mataupu 9

Tauiviga ma Taua

Ata
o mekasini o loo tatala i luga o se laulau

Ina ua toe foi atu Iosefa F. Samita mai Europa ia Setema 1906, o le lumanai o Reed Smoot o se Senate o le Iunaite Setete sa le o mautinoa lava. I le konafesi aoao i le lima masina na muamua atu, sa faasilasila faalauaitele atu ai e Francis Lyman le faamavaega o aposetolo o Ioane W. Teila ma Matthias Cowley. Sa faamaloloina foi Iosefa Tanner mai ona tulaga faaletaitai.1

O le faamavaega, faatasi ai ma le maliu talu ai nei o le Aposetolo o Marriner Merrill, na tuua ai avanoa e tolu i le Korama a Aposetolo e Toasefululua, lea na faatumulia e George F. Richards, Orson F. Whitney, ma Tavita O. MaKei.2

O le faasilasilaga o faamavaega na foliga mai sa i ai se aafiaga lelei i le toatele o i latou e masani ia Reed i le Senate. “Mai mea uma lava e mafai ona ou faalogoina,” na lipoti atu ai e Reed i taitai o le Ekalesia, “i se tulaga aoao ua faaaoga ai e le senate le onafesi taluai o se faamaoniga o le faatuatua lelei i le i le itu le Ekalesia, aemaise lava o Peresitene Iosefa F. Samita.”3

Peitai, e le o le mea moni lena i sui o le komiti a le Senate na tofia i le suesuega, , o le toatele lava u sa tumau pea le masalosalo i le Ekalesia. Ina ua uma le suesuega, sa latou palota e aveese Reed mai le tofi.4

Na iu lava ina tagofia le mataupu ia Fepuari 1907, i le fa tausaga talu ona uma le mua’i ‘emo mai o le tetee i le filifilia o Reed. Na tusia e le komiti le sili atu ma le tolu afe itulau o molimau mai le oʻo atu i le selau o molimau, le tetee ma le le fiafia. A o iloiloina e le senate lenei faamaumauga, sa latou mafaufau foi i a latou fegalegaleaiga patino ma Reed, o le na maua le faaaloalo a le toatele i Uosigitone, DC. O Theodore Roosevelt, o le Peresitene o le Iunaite Setete, sa avea ma ana lagolago malosi ma sa matua unaʻia le Senate e palota ia te ia. Ina ua iu ina maua le faaiuga a le senate i le mataupu, sa latou palota i le le amanaiaina o le fautuaga a le komiti ma faatagaina Senate Smoot e tumau i lona nofoa.5

I totonu o ni nai aso, na tusi atu ai Iosefa F. Samita e faamalo ia Reed ma faafetai i le senate mo la latou filifiliga e le’i faapito’au. Sa manao o ia ina ia masani lelei isi ma le Au Paia. “Afai e mafai ona faia lenei mea, o le le malamalama ma le salalau o faʻamatalaga sese i le Ekalesia a Iesu Keriso o le Au Paia o Aso e Gata Ai,” na ia tusia ai, “o le a taofia e faavavau.”6

I ni nai vaiaso mulimuli ane, na tatalaina ai e Peresitene Samita le konafesi aoao ia Aperila 1907 ma se tala e sili atu le lelei. “O sefuluai a tagata i le aluga o le tausaga 1906 ua sili atu ma le sefuluai o soo se isi lava tausaga,” na ia saunoa ai. “O le taimi nei, e le i ai se tālā o aitalafu ai le Ekalesia a Iesu Keriso o le Au Paia o Aso e Gata Ai e le mafai ona totogi i le taimi e tasi. Ua iu nei ina tatou tatou i ai i se tulaga e mafai ona tatou totogia a o tatou agai atu i luma.”

Sa ia viia le faamaoni o le Au Paia ma fai mai, “E le o manaomia ona tatou toe nonoina nisi mea, ma e le tatau ona tatou faia pe afai e faaauau pea ona ola le Au Paia o Aso e Gata Ai i a latou tapuaiga ma usitaia lenei tulafono o le sefuluai.”7

Ina ua maea lana lauga, sa valaaulia e Peresitene Samita ia Orson F. Whitney e faitau se faamatalaga faalauaitele sa saunia e le Au Peresitene Sili ma le Toasefululua e uiga i talitonuga ma tulaga faatauaina o le Au Paia o Aso e Gata Ai. Sa tali atu le faamatalaga i le tele o moliaga na faia e faasaga i le Ekalesia ma ona tagata i le taimi o faamasinoga o Smoot. Ae na tuuina atu ai foi i le Au Paia se aotelega aloaia o mataupu faavae autu o le talalelei ma ana faiga. “O la tatou tapuaiga e faavae i luga o faaaliga a le Atua,” ua faamautu mai ai le tautinoga. “O le talalelei tatou te folafola atu o le talalelei lea a Keriso, na toefuatai mai i le lalolagi.”

O le faamatalaga sa faamatalaina ai le Au Paia o se nuu faamaoni, mafaufau-matala, atamai, ma lolotu. Sa molimau mai foi i lo latou tuuto atu i le aiga ma le auaiga, e aofia ai le faaipoipoga faaautaunonofo. “O se aiga masani ‘Mamona’ o le fale o le malumalu lea o le aiga,” na taua ai. “O tagata ‘Mamona’ sa punonou i le gauai atu ma le faaaloalo i tulafono na faia e uiga i faaipoipoga faaautaunonofo.”

Na faamalamalama mai foi e le folafolaga ia mataupu faavae o le faitalia a le tagata lava ia, sefuluai, ma le taitaiga faaleperisitua. Ma e faamaonia i le lotonuu o le Au Paia, ma tuuto atu i malo o le lalolagi, ma le tuuto atu i le tuueseeseina o le Ekalesia ma le Setete. “Tatou te mananao e ola i le filemu ma le mautinoa i o tatou uso a tagatanuu o vaega faaupufai uma ma tapuaiga uma,” na folafola mai ai.

O le talalelei toefuataiina na saili e siitia ai le lalolagi, o loo ta’ua ai i le tautinoga, e le faatamaiaina. “O la tatou tapuaiga e lalagaina faatasi i o tatou olaga, ua fausia ai o tatou uiga, ma o loo uunaia ai le moni o ona mataupu faavae i luga o o tatou agaga,” na faitauina ai.8

Ina ua uma ona faitau e Elder Whitney le tautinoga, sa faaleoina atu e Francis Lyman le lagolago mo ia e fai ma sui o le Korama a Aposetolo e Toasefululua. I le valaaulia a Peresitene Samita, na autasi ai le palota a le faapotopotoga e talia ma lagolago lana savali.9

I le aso 16 o Aperila, 1908, na maliu ai Jane Manning James, o se tasi o tagata Uli muamua o le Ekalesia, i lona fale i le aai o Sate Leki. Sa omai o ia i le Vanu o Sate Leki faatasi ma lona toalua ma le fanau ia Setema 1847 o se itutinoga o le vaega muamua o le Au Paia na mulimuli atu ia Polika Iaga i sisifo.10 Talu mai lena taimi, sa avea o ia ma se tagata lauiloa i le aai. Sa mitamita o ia i fanau a lana fanau e toasefuluvalu ma a latou fanau e toafitu. Sa o atu i laua ma lona tuagane o Isaako i sauniga a le Ekalesia i le Tapeneko i Sate Leki ma sa masani ona auai i le toetuufaatasiga o le “aiga tuai” ma paionia o le Ekalesia.11

Sa faia lona falelauasiga i le falelotu o le Uarota Valu a le aai o Sate Leki. Sa tumu le falesa i uo a Jane, o Tagatauli ma paepae, o e na o mai e manatua lona olaga. Sa faatumulia le potu i fugalaau e faamamalu ai le faatuatua o Jane ma le agalelei o le loto.

O le uo a Jane o Elisapeta Roundy sa faitauina se talaaga patino puupuu na faalau atu e Jane ia te ia i ni nai tausaga ua mavae. Na fanau mai Jane i se taimi ua le toe i ai se pologa faaletulafono ma o tagata uli i le lalolagi atoa sa masani ona taulimaina o ni tagata tulaga maualalo. O le talaaga o lona soifuaga sa faamatala ai le tala o lona liliu mai i le itu i sasae o le Iunaite Setete, o le toeitiiti atoa le valu-selau-maila o le savaliga a lona aiga i Navu, ma ona aafiaga o loo nonofo faatasi ma galulue mo le aiga o le Perofeta o Iosefa Samita. Na toe faamatalaina ai foi le ala na valaaulia ai e Ema Samita ia Sieni ina ia vaetamaina i totonu o ia ma le aiga o Iosefa.12

I le latalata ai i le faaiuga o lona talaaga, sa tuuina mai ai e Sieni se molimau faamaoni. Ua maliu lana tane, sa maliliu uma le toatele o lona aiga ae vagana ai lana fanau e toalua ma le fanau o ana fanau e toasefulu, ma na toetoe lava a tauaso i lena taimi, ae na ia tautino mai, “E puipuia au e le Alii ma tausia lelei au i lou tulaga o le leai o se faamoemoe, ma ou te fia fai atu iinei, o loʻu faatuatua i le talalelei a Iesu Keriso e pei ona aoaoina e le Ekalesia a Iesu Keriso o le Au Paia o Aso e Gata Ai e pei o le malosi i aso nei, e leai, e mafai, pe afai e mafai, e malosi atu nai lo o le aso sa muai papatisoina ai au.”13

Sa saunoa mai Peresitene Iosefa F. Samita i le falelauasiga. I le aluga o tausaga, sa sailia ai e Sieni i nisi taimi lana fesoasoani i le mauaina o sauniga o le malumalu mo ia lava ma tagata o lona aiga ua maliliu. Sa ia matua naunau lava e maua faaeega paia ma faamauina i se aiga.14 Ae talu mai le amataga o le 1850, sa taofia e le Ekalesia ia le Au Paia o e tupuga mai Aferika le mauaina o le perisitua, ma le mauaina o sauniga o le malumalu ae na o le papatisoga mo e ua maliliu na faatagaina. O faamatalaga mo le faasaina na eseese ae sa taumatemate, e le o le afioga a le Atua. Sa folafola atu e Polika Iaga e faapea o le Au Paia uma, e tusa lava po o le a le ituaiga, o le a i ai se aso e maua ai sauniga uma ma faamanuiaga o le talalelei.15

E pei o isi Tagata Uli o le Ekalesia, sa faia e Sieni papatisoga mo ona aiga ua maliliu. Sa ia talosagaina foi ina ia maua faaeega paia ma ia faamauina e ala i le fai ma sui ia Walker Lewis, o se tasi o tagata Uli o le Ekalesia na umia le perisitua a o lei faasaina. I se taimi mulimuli ane, sa ia talosagaina ai ina ia faamauina e ala i le vaetamaina i totonu o le aiga o Iosefa Samita. Ae o taimi uma lava na te talosaga ai mo se faaeega paia po o se faamauga, sa lagolagoina e Iosefa F. Samita po o se isi taitai o le Ekalesia le tapu a le Ekalesia.16

Peitai, faatasi ai ma le fesoasoani a le peresitene aoao o le Aualofa, sa maua ai e Sieni le faatagaga mai taitai o le Ekalesia e auai faatasi mo le faavavau faatasi ma le aiga o Iosefa Samita. I le tali atu i lana talosaga, sa latou saunia ai se sauniga na faatasi atu ma Sieni i le aiga o se auauna. Sa galue Zina Young e avea ma sui o Sieni i le sauniga a o tu Iosefa F. Samita mo le Perofeta o Iosefa Samita.17

E ui ina sa ia lagona le le faamalieina i le sauniga, sa faaauau pea ona faamaoni Sieni. “Ou te totogiina au sefuluai ma taulaga, tausia le Upu o le Poto,” o lana tala lea. “Ou te vave moe ma alapo. Ou te taumafai i lou ala vaivai e fai ai se faataitaiga lelei i tagata uma.”18

I le 1902, sa fesili atu ai Sieni ia peteriaka Ioane Samita, le uso matua o Iosefa F. Samita, i le taimi o le a faatagaina ai o ia e maua ona faaeega paia. “Ia onosai ma faatali teisi atu,” sa ia fai atu ai, ma faamautinoa ia te ia o loo i ai fofoga o le Alii ia te ia. Sa ia folafola atu o le a “sili atu le lelei o le Alii ia te ia nai lo se isi lava mea na ia moemiti i ai.” I le iuga o lona olaga, sa ia faatumauina ai se faamoemoe o le a i ai se aso na te maua ai faamanuiaga uma o le malumalu.19

Ina ua mavae le falelauasiga, sa tanumia Sieni i le Fanuatanu o le Aai o Sate Leki. “O ni nai tagata sa sili atu ona taua mo le faatuatua ma le faamaoni nai lo o Jane Manning James,” na faasalalauina e le Deseret News . “E ui i le faatauvaa o le lalolagi, sa ia faitauina ana uo ma e masani ai i le faitau selau.”20

Ia Iulai 1909, na amata ai e le Tribune o Sate Leki ona lolomiina ni lisi o tagata o e sa mafaufauina na ulu atu i faaipoipoga fou faaautaunonofo talu mai le Manifeso. O le lisi na faapopoleina ai le Au Peresitene Sili ma le Korama a Aposetolo e Toasefululua. Sa vave lava ona tofia e Iosefa F. Samita ia Aposetolo o Francis Lyman, Ioane Enele Samita, ma Heber J. Grant e sailiili i le mataupu ma le aoa’i le Au Paia o e sa solia le tulafono a le Ekalesia e uiga i faaipoipoga faaautaunonofo talu mai le Manifeso lona Lua.21

O le sailiiliga na alu ai le silia ma le tausaga ma na iu ai i le tape o igoa o ni alii se toalua o e sa faatoa ulufale atu i ai pe na faia ai ni faaipoipoga fou faaautaunonofo. Sa auina atu foi e le Au Peresitene Sili se tusi i au peresitene uma o siteki, e faatonuina ai i latou e faatonu epikopo e aoai i latou na solia le Manifeso lona Lua. “Ua tatou taofimau o se tasi e solia lenei tulafono taua ma le faatinoga e le gata ina faia se solitulafono patino ae le ava ai foi i le Ekalesia,” sa latou tusia.22

I le taimi lea, sa lolomiina ai e Pearson, o se mekasini lauiloa i le Iunaite Setete, se faasologa o tusiga e faitioina ai le Ekalesia. O le tusiaina o lisi a le Tribune o le Aai o Sate Lekio faaipoipoga faaautaunonofo, sa tuuaia ai e tusiga le Ekalesia i le le faamaoni ma le piopio. Sa aoaoina foi e Iosefa F. Samita e faapea, o se tasi o mekasini lauiloa, Everybody’s, sa fuafua e fai se faasologa o tusiga e talitutusa ma tusiga na tusia e Frank Cannon, le atalii o George Q. Cannon.23

O Frank o se senate sa i ai muamua mai Iuta ma sa avea muamua ma se faufautua i le Au Peresitene Sili. Ae o le malosi o le taumafa ava malosi, faiamio, ma isi mea sese sa faaosofia ai se va o ia ma taitai o le Ekalesia. Ina ua mavae le maliu o lona tama, sa avea o ia ma se faitio oona o le Ekalesia ma Iosefa F. Samita, ma o lona tulaga sa i ai i totonu o le Au Paia na tuuina mai i ana upu le foliga vaaia o le faatuatuaina.24

Ina ua latou aoao e uiga i le fuafuaga a Frank, sa tusi atu ai Iosefa F. Samita ma Anthon Lund i le faatonu o Everybody’s, ma lapatai atu ia te ia o tusiga a Frank e sese ma e le aoga ona gauai i ai. Ae o le au faatonu o mekasini i le taimi lea sa tele ina naunau e lolomi tala taufaasese, ma na vave lava ona amata lolomi e le faatonu ia tusiga a Frank. E lei pine, ae toatele le au lesitala i le mekasini mai le atunuu atoa.25

O Frank e le na o le pau lea o le Au Paia o Aso e Gata Ai na osofaia faalautele le Ekalesia. O Ezra Booth, o John C. Bennett, T. B. H. ma Fanny Stenhouse, ma Viliamu Jarman na taumafai uma lava e faaleaga le Ekalesia ia latou tusi. Ae, o le lauiloa o le faasologa o le faaatuatuvaleina o Frank sa le lelei.

O le taimi foi lea, sa feagai le Ekalesia ma se faalavelave o manatu o tagata lautele.26

O se vaega toaitiiti o tagata o le Au Paia o Aso e Gata Ai ma faifeautalai mai le misiona a Swiss-Siamani, na faia e pei ona sa faaali atu ai le Faitotoa a Ema Lusi mo lona pupuni lona lua i le Berlin’s Royal Opera House. Talu mai le uluai oo mai i Siamani faatasi ma Ioane ma Leah Widtsoe i le sefulua tausaga ua mavae, sa avea ai Lusi ma se fetu o le pese opera i Europa, ma o le taimi muamua lea na pese ai i le fale tele lauiloa. Na te lei faaitaina lana aofia.

Mai i le tulaga, sa mafai ona lagona e Lusi le faatuatua ma le lagolago a ona uso a Au Paia, o e sa natia i le ata i luga. Sa latou valaauina o ia o la latou “Nightingale i Iuta.” O le toatele o i latou sa tatalo mo lona manuia i lena po, ma o nisi o i latou sa anapopogi mo ia.27

Sa viia e nusipepa lana faatinoga. “O le aoao faamasani o lona leo e le toe i ai se mea e manaomia ai,” na tusia ai e se tasi iloiloina, “ma o le auala lelei, ma le manino ua faaalia ai le faatufugaga moni o musika.”28

E ui o nisi o iloiloga na taua ai le tagata Siamani lē atoatoa o Lusi, ae e leai se tasi na ta’ua lona tulaga po o se tapuaiga i le fale. O le tetee i le Ekalesia sa i ai lava i le tulaga o le tulai mai i Siamani ma isi vaega o Europa, o lea na taofia ai e Lusi lona auai i le Royal Opera House. O le toatele o le Au Paia Siamani sa sauaina i o latou nuu, ma o faifeautalai sa masani ona avea ma tauliga o sala, faateaga, pue faapagotaina, ma faafalepuipui.29

O le faiaoga o le leo o Lusi, o Madame Blanche Corelli, sa uunaia o ia e nana lana tapuaiga mo le manuia o lana galuega. I le tusitusi ai i le fale, sa tau atu ai e Lusi i lona tina, o Susa Gates, sa ia faailoa atu ma le musua o se Porotesano i le Royal Opera House. Sa lei manao Lusi e nana lona faatuatua, ae o le a ia le faatagaina se faailoga tagata e faamautinoa ai lona lumanai.30

Sa lagolagoina e Susa lana filifiliga, ma faailoa atu sa ia talanoa atu ia Peresitene Samita e uiga i ai, ma sa ia talitonu ua lelei mea uma mo ia e tausisia ai le le faalauaiteleina o lana tapuaiga. Sa tuuina atu foi e lona tama, o Iakopo, lana lagolago. “O loo e faia mo se faamoemoega lelei,” na ia tusia ai, “ae e le ona ua e ma i le mea ua e iloa e moni.”31

I le taumafanafana o le 1910, sa faateteleina ai le tetee i Siamani i le Ekalesia, ma tuua ai Lusi e fefe e tapuai faalauaitele ma le Au Paia i Berlin. Sa pueina talu ai nei e leoleo i le aai ni faifeautalai se toalua o le Au Paia o Aso e Gata Ai, tagata tafafao, ma tamaiti aoga. Ina ua tatalaina i latou e taitai mai le falepuipui i le sefuluvalu itula mulimuli ane, sa tuliesea pagota mai le aai o ni “tagata ese e le manaomia.” Sa na o ni nai tamaiti aoga na faatagaina e nonofo ai, pe afai latou te le auai i le lotu po o le talai atu o le talalelei.32

Ia Setema, i le mavae ai o le misia o le tolu vaiaso o sauniga a le Ekalesia, sa moomoo ai Lusi e tapuai ma isi Au Paia ma aai ma feinu i le faamanatuga. Sa ia fautuaina atu le faia o sauniga laiti o le faamanatuga mo le Au Paia Amerika i Berlin, e pei ona sa ia faia ma Ioane i Göttingen. Talu ai o sauniga faalelotu uma sa tatau ona lesitala aloaia i le aai, e ui i lea, sa feiloai faalilolilo le vaega toalaiti.

I a latou fonotaga, na taumamafa ai le Au Paia Amerika i le faamanatuga, pepese i viiga, ma tuuina atu le molimau. Sa aumai e Lusi ni nai tusi a le Ekalesia i Perelini, e aofia ai ma tusitusiga paia. O lea la, i la latou fonotaga lona lua, sa latou suesue ai i le Mataupu Faavae ma Feagaiga ma faaalu se itula e talanoaina ai le aoaoga faavae o le Toetu.

“ Ia Faamolemole aua nei lolomiina i le taimi nei,” na lapatai atu ai Lusi i lona tina i se tusi e faamatala ai le fonotaga. Na mataituina e le malo o Siamani le talafou na sau i fafo mai le aai o Sate Leki. Afai e i ai se tusiga e uiga i a latou sauniga faalilolilo sa i ai i se nusipepa a Iuta ma sa matauina e leoleo o Perelini, o le a i ai Lusi ma ana uo i se tulaga lamatia ogaoga.

“E mafai ona tuu i tatou i le falepuipui,” na ia tusi atu ai. “O lea faamolemole, ia faaeteete uma i le faitauina o lenei mea.”33

Ia Ianuari ma Fepuari 1911, na lomia ai e le mekasini a McClure i le aai o Niu Ioka se tusiga e lua vaega i le faaipoipoga faaautaunonofo i lalo o le ulutala “O Le Toefaaolaolaina o Autaunonofo e le Mamona.” Faatasi ai ma le faaali mai o nei tusiga, o mekasini e tolu e sili ona lautele i le Iunaite Setete o loo faasalalau atu i le taimi nei ia osofaiga i le Ekalesia. O tusiga sa i ai se aofia o le faitau miliona.34

O le tusiga a le McClure na fuafuaina faapea e i le va o le 1,500 ma le 2,000 faaipoipoga faaautaunonofo sa faia i le luasefulu-tasi-tausaga talu mai le Manifeso. O le numera moni lava e tusa ma le 260, ae e le i mafai ai e le tusitala ona faagesegese. “E foliga mai e leai se mea o i ai i le taimi nei o le a mou atu ai le faiga masani,” o lana tala lea. O le mea moni, sa ia talitonu o loo lava ni tagata talavou e ulu atu i faaipoipoga fou faaautaunonofo ina ia tausisia ai le faiga masani mo le silia ma le isi 50 tausaga.35

O le tusiga na taia ai le vaai a le tusitala o le aai o Niu Ioka o Ike Russell, o le sa ola ae i le Ekalesia i Iuta. O ia o se atalii o le fanau a le aposetolo o Pale P. Palate, ma o le aiga o lona toalua le peresitene o le misiona i le Aai o Niu Ioka. Sa tuua e Ike le faatuatuaga a p talavou, ae sa ia mulimuli i talafou mai Iuta ma sa i ai se alofa mo le Au Paia.36

Sa le fiafia tele Ike e faapea o le tele o mea i le tusiga a le McClure sa le moni pe taufaasese. O se tasi o itulau sa i ai ni ata o aposetolo e toafitu o e sa faaipoipo i ni ava faaautaunonofo ina ua maea le Manifeso. Na faitauina lona faamatalaga, “E lei tapeina e le Ekalesia se igoa o se tasi o i latou mo le solia o le faaaliga.” O le mea moni, e toalima alii ua maliliu, ae o le isi toalua o Ioane W. Taylor ma Matthias Cowley, o e sa le i toe i ai i le korama. Sa lei ta’ua foi i le tusiga faapea o i latou uma sei vagana ai le toatasi o le au aposetolo i le ata na suia uma i le toatasi o le ava.37

Sa tusi atu Ike i le faatonu o McClure e uiga i le tele o mea sese i le tusiga. Sa ia tusia foi ni tusi i isi mekasini, ae sa le amanaiaina e le au faatonu o ia.38

Ona ia lagonaina lea o le uunaiga e fai se isi mea. O se tasi o tusiga i le Pearson na tau mai ai faapea o le Peresitene o le I.S. o Theodore Roosevelt sa faia se fuafuaga ma taitai o le Ekalesia e faamautu ai palota i le taimi o se palota talu ai nei. Afai e mafai ona maua e Ike ia Roosevelt e teena faamatalaga i se tusi, e mafai ona ia faaaogaina e faaleaogaina ai le tusiga.

Sa ou nofo i lalo ma amata ona ta. “O loo ou tusia ma le faamoemoe o le a e matua lelei lava pe a e fesoasoani ia te au i se taumafaiga o loo ou faia ina ia faasa’o atili ai le faamaumauga.”39

O le taimi lea, i Egelani, na iloa ai e le aposetolo ma le peresitene o le Misiona o Rudger Clawson e faapea, sa faalauiloaina e le malo o Peretania se suesuega i le galuega faamisiona a le Au Paia o Aso e Gata Ai. O le iloaina o taumafaiga a Siamani e tuliese ai faifeautalai mai o latou aai, sa tau mafaufau ai nisi o au faitulafono pe tatau ona faia foi e le au Peretania. E ui ina sa finau ni nai au tusitala Peretania mo le faapalepale i tapuaiga a le Au Paia, ae sa faaauau pea e le toatele o tagata i le malo aufaatasi ona vaai i faifeautalai o ni sui o se Ekalesia ese, o e sa aoao atu ni manatu uiga ese ma taufaasese tamaitai Peretania i ni faaipoipoga faaautaunonofo.40

Sa fafagaina e le au faitio o le Ekalesia nei popolega, ma faatamaiaina ai le galuega lelei sa faia e tamaitai o le Au Paia o Aso e Gata Ai, i le avea ai ma ni faifeautalai i le faasaoina o talitonuga sese. I le mulimuli ai i le faataitaiga a William Jarman, o le sa tuuina atu pea lava i ai lauga, o se tasi o le Au Paia o Aso e Gata Ai mai le Iunaite Setete sa maimoaina le atunuu i se tala magumagu o ona aafiaga i le Ekalesia. O isi tagata faitio sa latou lolomiina ia tusi ma le tetee e faasaga i le Au Paia.41

I le amataga o le 1911, sa tusi atu ai Rudger i le Failautusi o le Maota o Peretania o Winston Churchill, ma folafola atu e galulue faatasi ma le malo. “E tusa ai ma se suesuega,” na ia matauina ai, “matou te tutu e sauni ma naunau e tuu atu ia te oe soo se fesoasoani matou te mafaia.” Sa amata e Churchill se fesili i le Ekalesia ma lana galuega faafaifeautalai i se taimi vave lava. “O loo ou taulimaina i se agaga mamafa,” na ia tau atu ai i le Palemene.42

O le tetee i le Ekalesia i Peretania sa tumau le mausali i le tautotogo. I se tasi Aso Sa ia Aperila, na amata ai se vevesi i le taulaga o Birkenhead, le vaega na taʻua o le Liverpool Anti-Mormon Crusade, i le tusa o le tolusefulu o le Au Paia na potopoto i le fale tele. Na faaosofia e se motu o tagata, sa faatopelau e nisi o le au faatupu faalavelave se vaega o leoleo sa faapotopoto i fafo o le potu tele. Na tauai atu e nisi ia maa i ona faamalama.

A o faateteleina le vevesi, sa taumafai taitai e lokaina i latou na mafua ai le faalavelave, ae sa toe tali atu le au faatupu faalavelave. Sa tuuina atu e nisi i le vaega faatupu faalavelave i faifeautalai se tusi o faapea atu e tatau ona latou tuua Birkenhead i totonu o aso e fitu.

“O le a ou le gauai atu i ai,” o le tala lea a Richard Young, o le faifeautalai pulefaamalumalu i le konafesi.

“Ua e naunau e talia ia taunuuga?” na fesili mai ai se tasi o le au faatupu faalavelave.

“Ioe!” o lana tala lea.43

Sa lomia e nusipepa i le lotoifale ni tala e uiga i le vevesi ma le poloaiga a le au faatupu faalavelave, ma e toatele tagata sa naunau e vaai po o le a le mea o le a tupu. Sa popole Rudger o le a faamanualia faaletino ia faifeautalai pe afai latou te nonofo ai pea i le taulaga. Ae ina ua uma ona fefautuaai ma Richard ma isi faifeautalai, sa ioe o ia e tatau ona latou nonofo. Afai e lafoai e faifeautalai Birkenhead, o le a le mea o le a taofia ai le au faatupu vevesi mai le taumafai e faamalosi faifeautalai mai isi taulaga ma nuu?44

Sa atofaina e Rudger le Aso Sa na sosoo ai o se aso o le tatalo ma le anapogi mo faifeautalai. Ina ua oo mai le aso, sa faapotopoto faifeautalai i Birkenhead mo le taimi muamua lava o le fonotaga talu mai le vevesi. Na o mai leoleo ma faia se laina i luma o le potu tele. Sa lei pine ae potopoto le motu o tagata e tusa ma le 5000, ma sa savavali sao atu tagata faatupu faalavelave i leoleo ma se faili apamemea. Sa alalaga atu le motu o tagata i le au faatupu faalavelave, ae sa leai se vevesi na tupu.

O le faatautee o toeaina i le au faatupu faalavelave sa faagaeetia ai nisi o tagata matamata. “Sa foliga mai na suia ai le leo o tusiga i nusipepa e uiga ia i matou,” na lipoti atu ai Rudger i le Au Peresitene Sili. “Mo le taimi lenei, ua foliga mai ua aveesea le ‘ea o le agaga o le sauaina ma le lotoleaga i le Au Paia o Aso e Gata Ai.”45

I le taimi lea, sa faaauau ai e Winston Churchill lana suesuega i le Ekalesia. I le isi itu o le atunuu, sa fesiligia ai e leoleo ia aiga o tamaitai talavou o e na auai i le Ekalesia ma malaga atu i Iuta, ma o sui o le malo na auai i sauniga tapuai. E leai se tasi na maua se faamaoniga faapea o le Ekalesia po o ana faifeautalai na mafua mai ai ni leaga. I le faamalieina ai, na faaiuina e Churchill faapea e leai se mafuaaga e faateaeseina ai faifeautalai, ma sa ia fautuaina atu le le faia o se faatinoga faaletulafono e faasaga i le Au Paia.46

I Iuta, sa maua ai e Iosefa F. Samita se kopi o se tusi umi na tusia ai e Theodore Roosevelt ia Ike Russell, o faaleaogaina ai ni tala faapea na ia faia se fuafuaga ma le Au Paia ina ia maua ai le palota a Iuta. “O le tuuaiga e le na o se mea sese,” na tau atu ai Roosevelt ia Ike, “ae e faavalevalea e faigata ona talanoaina ma le manatu mamafa.”47

Sa iloa e Iosefa sa manao Ike e lolomi le tusi i le Collier’s, o se mekasini e i ai se faataamilosaga pe tusa ma le 1 miliona le au faitau. Sa uunaia foi e Reed Smoot ia Iosefa e faia se mea e uiga i osofaiga. “E aunoa ma se faatinoga,” na lapatai mai ai Reed, “ou te le talitonu pe mafai ona ta sosola ese mai se suesuega.” Ae o le taimi lea ua laitiiti lava le mea na faia e Iosefa e tali atu ai i tusiga o mekasini.48

Ona oo lea i le amataga o Aperila 1911, sa ia lafo atu ai se feau ia Reed e fesili pe o le a faasalalau atu e soo se nusipepa i sasae se tali aloaia mai le Ekalesia. Sa vave ona faafesootai e Reed ia nusipepa, ae sa leai se folafolaga na ia mauaina. O le taimi lea, sa faatulaga ai e Ike, le Tusi a Theodore Roosevelt e faasalalau i le Collier’s. I le fiafia ai, sa i ai ia Iosefa le tusi ma o le tali atu a le Ekalesia i le tusiga o mekasini na lolomiina o ni tamaitusi ma tufatufa atu i tagatanuu iloga i le Iunaite Setete atoa ma Peretania Tele.49

Ae o loo faaauau pea ona faaali mai tusiga o mekasini fou e uiga i le Ekalesia. Ia Mati, sa faalauiloa atu ai e se mekasini lona fa, o le Cosmopolitan, se faasologa o tusiga e tolu e faatusatusa ai le Ekalesia i se gata sa foufou e osofaia ai taigaafi ma le fale. E pei o isi mekasini, o loo faapea mai o le Ekalesia o loo faalauiloaina pea faaipoipoga faaautaunonofo.50

I le taimi lea, sa faalogo ai Francis Lyman i lipoti faapea o Ioane W. Teila ma Matthias Cowley sa lei leva ona faaipoipo i ni ava faaautaunonofo fou ma sa faatinoina le tele o faaipoipoga faaautaunonofo. Sa ia feiloai ma lana komiti i i le taitasi o i la’ua. O Ioane W. sa faaulumalo i ana fonotaga. Sa ia faaipoipo moni lava i se isi ava faaautaunonofo i le 1909, ae sa musu o ia e tautino atu pe teena le mea moni.51 Mo lana vaega, na faailoa atu ai e Matthias ua ia faia se mea sese. I le faaiuga, na tape ai e le Toasefululua ia Ioane W. ma faasaina Matthias mai le faaaogaina o le pule o le perisitua.52

Ina ua uma ona faia le aoaiga o aposetolo sa i ai muamua, sa malaga Iosefa F. Samita i Uosigitone, DC. A o i ai iina, sa ia feiloai ma se tusitala i le fale o Reed ma Allie Smoot. Sa fesili le tusitala e uiga i tulaga faaupufai, tupe a le Ekalesia, ma isi mataupu na masani lava ona tulai mai i tusiga le lelei e uiga i le Ekalesia. Ae o le tele lava o ana fesili e faatatau i faaipoipoga faaautaunonofo. Sa tali atu Iosefa i ana fesili, ma le naunau e faasao faamatalaga sese o loo faasalalau i luga o mekasini.

“O le Autaunonofo i le Au Mamona ua matuai le manuia lava i lea taimi ma ua faasaina e le Ekalesia,” na tautino atu ai Iosefa.

“E mafai faapefea ona faaalia faapea o le autaunonofo ua matua faasaina lava e le Ekalesia Mamona?” na fesili atu ai le tusitala.

“O le faamaoniga sili lava ua tatou taua ma le faaeteete o lo matou faasagatau lea i autaunonofo,” na tali atu ai Iosefa, “ua faaalia e ala i le mea moni e faapea, o le Susuga ia Taylor, o se aposetolo a le Ekalesia ma o se tasi o le aufono e pulea ai, ua tape le igoa.”53

Sa oo mai le faatalanoaga i le nusipepa i ni nai aso mulimuli ane, ma sa vave ona sosoo ai ma isi tusiga fiafia e uiga i le Au Paia. “Ou te le faalogo i se isi mea ae na o ni lipoti lelei mai lau asiasiga iinei,” na tau atu ai e Reed ia Iosefa. “Ou te talitonu ua faia ai se vaega tele o le lelei.”54

Na vave lava ona le toe fiafia le mekasini i le lolomiina o tusiga taua e uiga i le Ekalesia. Mulimuli ane i lena taumafanafana, sa tusi atu ai Iosefa ia Ike Russell, ma toe tomanatu ai i le vevesi lata mai nei. “Matou te talitonu o le a suia manatu o tagata lautele,” na ia matauina ai. “E tatau ona tatou tauivi ma tau i o tatou ala e ala i le amataga, ma e leai se isi mea tatou te faamoemoe i ai, ae o mea faafeagai o le tasi ituaiga ma le isi seia oo ina manumalo.”55

  1. “Joseph F. Smith Is Now in Zion,” Salt Lake Tribune, Sept. 30, 1906, 1; Francis Marion Lyman, Journal, Apr. 8, 1906; “J. M. Tanner Dropped from Two Boards,” Salt Lake Telegram, Apr. 10, 1906, 6; Church Board of Education, Minutes, Apr. 25, 1906, 51. Sa talosagaina Iosefa Tanner e faamaea lana matafaioi faakonekarate i le Ekalesia e oo atu i le faaiuga o le tausaga aoga.

  2. John Henry Smith, Diary, Apr. 8, 1906; Francis Marion Lyman and George Albert Smith, in Seventy-Sixth Annual Conference, 79–80, 93–94. Autu: Quorum of the Twelve (Korama o le Toasefululua)

  3. Reed Smoot to Charles Penrose, Apr. 30, 1906, Reed Smoot Papers, BYU.

  4. “Senator Smoot’s Case,” Evening Star (Washington, DC), June 11, 1906, 6.

  5. Flake, Politics of American Religious Identity, 5; Paulos, Mormon Church on Trial, xxiv–xxxiii; Heath, “First Modern Mormon,” 1:179, 184–87; Winder, “Theodore Roosevelt and the Mormons,” 12–13; “Smoot Keeps His Seat,” Evening Star (Washington, DC), Feb. 21, 1907, 9; “Senator Smoot Seated,” Washington (DC) Times, Feb. 21, 1907, 10. Autu: Reed Smoot Hearings; American Legal and Political Institutions

  6. Joseph F. Smith to Reed Smoot, Feb. 23, 1907, Reed Smoot Papers, BYU.

  7. Joseph F. Smith, in Seventy-Seventh Annual Conference, 7. Topics: Tithing; Church Finances

  8. “Address to the World,” and “An Address,” in Seventy-Seventh Annual Conference, 8–9, 3–16 (second numbering).

  9. “Address to the World,” in Seventy-Seventh Annual Conference, 9.

  10. “Death of Jane Manning James,” Deseret Evening News, Apr. 16, 1908, 1; “First Negroes to Join Mormon Church,” Salt Lake Herald, Oct. 2, 1899, 5; Saints, volume 2, chapters 5 and 6; “James, Jane Elizabeth,” Pioneer Database, history.ChurchofJesusChrist.org/overlandtravel; tagai foi “James, Jane Elizabeth Manning,” Biographical Entry, Century of Black Mormons website, exhibits.lib.utah.edu. Autu: Jane Elizabeth Manning James [Sieni Elisapeta Manning Iakopo]

  11. “Death of Jane Manning James,” Deseret Evening News, Apr. 16, 1908, 1; James, Autobiography, [8]; Newell, Your Sister in the Gospel, 128; tagai foi, for example, “Old Folks’ Day at the Lagoon,” Salt Lake Herald, June 27, 1902, 5; and “Salt Lake Observes Day of the Pioneers,” Salt Lake Tribune, July 26, 1904, 1.

  12. “‘Aunt Jane’ Laid to Rest,” Deseret Evening News, Apr. 21, 1908, 2; “James, Jane Elizabeth Manning,” Biographical Entry, Century of Black Mormons website, exhibits.lib.utah.edu; James, Autobiography, [1], [6]. Autu: Joseph and Emma Hale Smith Family; Slavery and Abolition

  13. James, Autobiography, [8]; Newell, Your Sister in the Gospel, 72–73; “James, Jane Elizabeth Manning,” Biographical Entry, Century of Black Mormons website, exhibits.lib.utah.edu.

  14. “‘Aunt Jane’ Laid to Rest,” Deseret Evening News, Apr. 21, 1908, 2; Jane James to Joseph F. Smith, Feb. 7, 1890, Joseph F. Smith Papers, CHL; Jane James to Joseph F. Smith, Aug. 31, 1903, First Presidency Temple Ordinance Files, CHL; Quorum of the Twelve Apostles, Minutes, Jan. 2, 1902, George Albert Smith Family Papers, J. Willard Marriott Library, University of Utah, Salt Lake City.

  15. “Race and the Priesthood,” Gospel Topics Essays, ChurchofJesusChrist.org/study/manual/gospel-topics-essays; Saints, volume 2, chapters 12 and 28.

  16. Newell, Your Sister in the Gospel, 97–100, 106–8, 114, 119; Saints, volume 2, chapter 39; “James, Jane Elizabeth Manning,” Biographical Entry, Century of Black Mormons website, exhibits.lib.utah.edu; Reiter, “Black Saviors on Mount Zion,” 105–13. Autu: Priesthood and Temple Restriction; Baptism for the Dead

  17. Zina D. Young to Joseph F. Smith, June 15, 1894, First Presidency Temple Ordinance Files, CHL; Salt Lake Temple, Sealings for the Dead, Couples, 1893–1942, volume A, May 18, 1894, microfilm 184,587, U.S. and Canada Record Collection, FHL; Newell, Your Sister in the Gospel, 114–15.

  18. Quorum of the Twelve Apostles, Minutes, Jan. 2, 1902, George Albert Smith Family Papers, J. Willard Marriott Library, University of Utah, Salt Lake City; James, Autobiography, [8].

  19. Clawson, Journal, Nov. 13, 1902; Jane James to Joseph F. Smith, Aug. 31, 1903, First Presidency Temple Ordinance Files, CHL. O sauniga sui o le malumalu na faatinoina mo Jane Manning James i le 1979.

  20. “‘Aunt Jane’ Laid to Rest,” Deseret Evening News, Apr. 21, 1908, 2; “Death of Jane Manning James,” Deseret Evening News, Apr. 16, 1908, 1.

  21. “But One of Many Cases,” Salt Lake Tribune, July 28, 1909, 4; “Some New Polygamists,” Salt Lake Tribune, Nov. 13, 1909, 6; George F. Richards, Journal, July 14, 1909; Francis Marion Lyman, Journal, July 14 and 21–22, 1909; John Henry Smith, Diary, July 14, 1909. Autu: Plural Marriage after the Manifesto

  22. Francis Marion Lyman, Journal, Jan. 7, 1910; Feb. 9–10, 1910; Sept. 28, 1910; Oct. 3, 1910; George F. Richards, Journal, July 21–22, 1909; Sept. 22, 1909; “Excommunication,” Deseret Evening News, Sept. 28, 1910, 1; “Excommunication,” Deseret Evening News, Oct. 3, 1910, 1; First Presidency to Presidents and Counselors, Oct. 5, 1910, in Clark, Messages of the First Presidency, 4:216–18; Hales, Modern Polygamy and Mormon Fundamentalism, 95–105.

  23. Richard Barry, “The Political Menace of the Mormon Church,” Pearson’s, Sept. 1910, 24:319–30; “The Mormon Evasion of Anti-polygamy Laws,” Pearson’s, Oct. 1910, 24:443–51; “The Mormon Method in Business,” Pearson’s, Nov. 1910, 24:571–78; Cannon, “Magazine Crusade against the Mormon Church,” 4, 6–8; Smoot, Diary, Oct. 18, 1910, Reed Smoot Papers, BYU.

  24. Cannon, “Cannon’s National Campaign,” 65, 105; Cannon, “Wives and Other Women,” 83.

  25. Joseph F. Smith and Anthon H. Lund to John O’Hara Cosgrave, Oct. 20, 1910, First Presidency Cumulative Correspondence, CHL; Tichi, Exposés and Excess, 65–72, 76–83; Frank J. Cannon and Harvey J. O’Higgins, “Under the Prophet in Utah,” Everybody’s Magazine, Dec. 1910, 23:722–37, 99–104 [second numbering]; Jan. 1911, 24:29–35; Feb. 1911, 24:189–205; Mar. 1911, 24:383–99; Apr. 1911, 24:513–28; May 1911, 24:652–64; June 1911, 24:825–35; Frank J. Cannon and Harvey J. O’Higgins, “The New Polygamy,” Everybody’s Magazine, July 1911, 25:94–107; Frank J. Cannon and Harvey J. O’Higgins, “The Prophet and Big Business,” Everybody’s Magazine, Aug. 1911, 25:209–22; Cannon, “Cannon’s National Campaign,” 65–74.

  26. Au Paia, voluma 1, mataupu 13 ma le 39; Au Paia, voluma 2, mataupu 25 ma le 27; Howard, “William Jarman,” 61.

  27. Lucy Gates to “Dearest Ones,” Apr. 6, 1909, Emma Lucy Gates Bowen Papers, BYU; Horace G. Whitney to the Burtons and others, Apr. 18, 1909, Susa Young Gates Papers, CHL; Horace G. Whitney, “Emma Lucy Gates Scores a Big Hit,” Deseret Evening News, Apr. 26, 1909, 1; “Emma Lucy Gates Sings in the Berlin Royal Opera House,” Deseret Evening News, May 8, 1909, 26.

  28. Horace G. Whitney, “Emma Lucy Gates Sings in the Berlin Royal Opera House,” Deseret Evening News, May 8, 1909, 26; Horace G. Whitney, “Emma Lucy Gates Scores a Big Hit,” Deseret Evening News, Apr. 26, 1909, 1; Horace G. Whitney to the Burtons and others, Apr. 18, 1909, Susa Young Gates Papers, CHL.

  29. Lucy Gates to “Dearest Ones,” Apr. 6, 1909, Emma Lucy Gates Bowen Papers, BYU; Horace G. Whitney, “Emma Lucy Gates Sings in the Berlin Royal Opera House,” Deseret Evening News, May 8, 1909, 26; Alexander, Mormonism in Transition, 227–30; Mitchell, “Mormons in Wilhelmine Germany,” 152–56, 163–70; Allen, Danish but Not Lutheran, 161–76.

  30. Lucy Gates to “Dearest Ones,” Apr. 6, 1909, Emma Lucy Gates Bowen Papers, BYU; Horace G. Whitney to the Burtons and others, Apr. 18, 1909, Susa Young Gates Papers, CHL; Arthur M. Abell, “Enrico Caruso,” Musical Courier, Nov. 18, 1908, 57:6.

  31. Susa Young Gates to Lucy Gates, Apr. 12, 1910; Jacob Gates to Lucy Gates, Apr. 13, 1910, Susa Young Gates Papers, CHL. Quotation edited for readability; “shamed” in original changed to “ashamed.”

  32. Thomas McKay, “Concerning the Banishment from Berlin,” Latter-day Saints’ Millennial Star, Aug. 11, 1910, 72:508–9; Swiss-German Mission, Office Journal, July 21–23, 1910, 111; Lucy Gates to “Dearest Ones,” Sept. 27 and Oct. 2, 1910, Emma Lucy Gates Bowen Papers, BYU; “Salt Lake Boy in Berlin Jail,” Deseret Evening News, Aug. 8, 1910, 5.

  33. Lucy Gates to “Dearest Ones,” Sept. 27 and Oct. 2, 1910, Emma Lucy Gates Bowen Papers, BYU, emphasis in original.

  34. Burton Hendrick, “The Mormon Revival of Polygamy,” McClure’s Magazine, Jan. 1911, 36:245–61; Feb. 1911, 36:449–64; Cannon, “Magazine Crusade against the Mormon Church,” 2–4; Wilson, McClure’s Magazine and the Muckrakers, 56, 190–200; Miraldi, Muckraking and Objectivity, 57–60.

  35. Burton Hendrick, “The Mormon Revival of Polygamy,” McClure’s Magazine, Feb. 1911, 36:458; Hardy, Solemn Covenant, 183.

  36. Cannon, “Mormon Muckraker,” 47–52; Cannon, “Magazine Crusade against the Mormon Church,” 27, note 100; “Benjamin Erastus Rich,” Missionary Database, history.ChurchofJesusChrist.org/missionary; Isaac Russell to D. B. Turney, Apr. 28, 1911, B. H. Roberts Collection, CHL.

  37. Burton Hendrick, “The Mormon Revival of Polygamy,” McClure’s Magazine, Feb. 1911, 36:457; Isaac Russell, “Mr. Roosevelt to the Mormons,” Collier’s, Apr. 15, 1911, 47:28; “Authorities Sustained,” in Eighty-First Semi-annual Conference, 114; “The Manifesto and the End of Plural Marriage,” Gospel Topics Essays, ChurchofJesusChrist.org/study/manual/gospel-topics-essays; Deseret News Church Almanac [1974], 133–34.

  38. Isaac Russell to B. H. Roberts, Jan. 16, 1911; Feb. 8, 1911, B. H. Roberts Collection, CHL; Burton Hendrick, “The Mormon Revival of Polygamy,” McClure’s Magazine, Feb. 1911, 36:457; Cannon, “Mormon Muckraker,” 57–59; 57, note 31.

  39. Isaac Russell to Joseph F. Smith, Feb. 11, 1913; Isaac Russell to Theodore Roosevelt, Feb. 2, 1911, First Presidency Mission Administration Correspondence, CHL; Richard Barry, “The Political Menace of the Mormon Church,” Pearson’s, Sept. 1910, 24:327.

  40. 24 Parliamentary Debate, House of Commons, 5th series, Apr. 20, 1911, 1044–45; Arthur L. Beeley, “Government Investigation of the ‘Mormon’ Question,” Improvement Era, Nov. 1914, 18:57; Bennett and Jensen, “Nearer, My God to Thee,” 118–20; Thorp, “Crusade against the Saints in Britain,” 79–81.

  41. Rasmussen, Mormonism and the Making of a British Zion, 117–19; “Mormonism Exposed by Mr. William Jarman,” East Anglian Daily Times (Ipswich, England), May 27, 1909, 4; “Jarman,” Nuneaton (England) Observer, July 12, 1912, 3; Thorp, “Crusade against the Saints in Britain,” 74–77.

  42. Rudger Clawson to Winston Churchill, Jan. 12, 1911, copy, First Presidency Mission Administration Correspondence, CHL; 22 Parliamentary Debate, House of Commons, 5th series, Mar. 6, 1911, 811, 989.

  43. “Anti-Mormon Crusade,” Evening Express (Liverpool), Apr. 3, 1911, 7; “The Mormons,” Evening Express, Apr. 19, 1911, 5; “Anti-Mormon Riots,” Evening Express, Apr. 21, 1911, 4; “Anti-Mormon Riots at Birkenhead,” Liverpool Daily Post and Liverpool Mercury, May 4, 1911, 5; Rudger Clawson to First Presidency, Apr. 25, 1911, First Presidency Mission Administration Correspondence, CHL. Quotation edited for readability; “he would give no heed to it” in original changed to “I will give no heed to it.”

  44. “The Mormons,” Evening Express (Liverpool), Apr. 19, 1911, 5; “Anti-Mormon Campaign,” Manchester Guardian, Apr. 24, 1911, 12; Rudger Clawson to First Presidency, Apr. 25, 1911, First Presidency Mission Administration Correspondence, CHL.

  45. Rudger Clawson to First Presidency, Apr. 25, 1911, First Presidency Mission Administration Correspondence, CHL; “Anti-Mormonism,” Evening Express (Liverpool), Apr. 24, 1911, 4; “Anti-Mormon Campaign,” Manchester Guardian, Apr. 24, 1911, 12; tagai foi “Anti-Mormon Riots,” Evening Express, Apr. 21, 1911, 4.

  46. Rudger Clawson to First Presidency, Apr. 7, 1911, First Presidency Mission Administration Correspondence, CHL; Beeley, Summary Statement, 13; Thorp, “British Government and the Mormon Question,” 308–11.

  47. Theodore Roosevelt to Isaac Russell, Feb. 4, 1911, First Presidency Mission Administration Correspondence, CHL.

  48. Smoot, Diary, Mar. 14, 16, and 22, 1911; Apr. 2, 1911, Reed Smoot Papers, BYU; Cannon, “Magazine Crusade against the Mormon Church,” 27; Reed Smoot to First Presidency, Apr. 1, 1911, First Presidency General Authorities Correspondence, CHL.

  49. Smoot, Diary, Apr. 7, 1911, Reed Smoot Papers, BYU; Isaac Russell, “Mr. Roosevelt to the Mormons,” Collier’s, Apr. 15, 1911, 47:28; Theodore Roosevelt Refutes Anti-Mormon Falsehoods, 1911; Isaac Russell, “Mr. Roosevelt to the ‘Mormons,’” Improvement Era, June 1911, 14:713–18; Joseph F. Smith to Isaac Russell, Apr. 25, 1911; B. H. Roberts to Isaac Russell, May 15, 1911, Isaac Russell Papers, Special Collections, Cecil H. Green Library, Stanford University, Stanford, CA.

  50. Alfred Henry Lewis, “Viper on the Hearth,” Cosmopolitan, Mar. 1911, 50:439–50; “The Trail of the Viper,” Cosmopolitan, Apr. 1911, 50:693–703; “The Viper’s Trail of Gold,” Cosmopolitan, May 1911, 50:823–33; tagai foi Givens, Viper on the Hearth, 97–120.

  51. Francis Marion Lyman, Journal, Jan. 5, 1911; Feb. 15 and 22, 1911; Mar. 28, 1911; Cowley, Journal, May 2, 1911; Miller, Apostle of Principle, 540–51; Hardy, Solemn Covenant, appendix 2, [422].

  52. Francis Marion Lyman, Journal, May 10–11, 1911; George F. Richards, Journal, May 11, 1911; Cowley, Journal, May 10–12, 1911; Joseph F. Smith to Isaac Russell, June 15, 1911, Letterpress Copybooks, 505, Joseph F. Smith Papers, CHL; “Excommunication,” Deseret Evening News, May 2, 1911, 2; “Official Action,” Deseret Evening News, May 12, 1911, 1. Autu: Church Discipline; Matthias F. Cowley

  53. “No Polygamy Now,” Washington (DC) Post, June 30, 1911, 1–2. Quotation edited for readability; “How it could be shown” in original changed to “How could it be shown.”

  54. Theodore H. Tiller, “Mormon Head Says Work and Thrift Are First Teachings of His Religion,” Washington (DC) Times, June 29, 1911, 8; “Gives Mormon View,” Evening Star (Washington, DC), June 30, 1911, 10; Reed Smoot to Joseph F. Smith, July 2, 1911, First Presidency General Authorities Correspondence, CHL.

  55. Joseph F. Smith to Isaac Russell, July 13, 1911, Letterpress Copybooks, 540–41, Joseph F. Smith Papers, CHL. Autu: Public Relations