Talafaasolopito o le Ekalesia
Faaeega o le Mana

“Faaeega o le Mana” O Autu o le Talafaasolopito o le Ekalesia

“Faaeega o le Mana”

Faaeega o le Mana

O se faaaliga ia Iosefa Samita i le 1831, na poloaiina ai uluai tagata o le Ekalesia e “o atu i Nuu uma lava” ma faapotopoto mai Isaraelu. A o lei “auina atu i latou,” sa folafola atu e le Alii e “faaee” i latou “i le mana mai luga.”1 O le faaeega na folafola mai e aofia ai uma le mau mea na tutupu i le amataga o le 1836, e aofia ai ma se vaitau sa faamanatu ai le Penetekoso na o faatasi ma le faapaiaga o le Maota o le Alii i Katelani, Ohaio. E ui ina sa folasia mai e Iosefa Samita mulimuli ane se sauniga o le malumalu sa ia faaigoaina foi o le faaeega, o le fasifuaitau “faaeega o le mana” e tele ina asosi ma le liligi mai o meaalofa faaleagaga ma le toefuataiga mai o ki o le perisitua i Katelani.2

O le fasifuaitau “seia maua le mana” o loo maua i le Luka 24, ina ua tuu atu e Iesu Keriso se poloaiga faaiu i Ona soo e folafola atu i nuu uma. Sa tatau i le au soo ona amata i Ierusalema, lea o le a “latou maua ai le mana mai luga.”3 E toatele Kerisiano sa malamalama i lenei folafolaga e fesootai i meaalofa a le Agaga ma sa muai faataunuuina i le Aso o le Penetekoso, e pei ona tusia i le Galuega 2.4

O isi faaaliga ia Iosefa Samita i Katelani na ta’u mai ai o le faaeega o le mana e manaomia ai se potopotoga paia i le Maota o le Alii.5 Sa ositaulaga ia Iosefa Samita ma le Au Paia i Katelani e faamaea le malumalu ma saunia i latou lava faaleagaga mo le faaeega paia. O se vaega o lenei sauniuniga sa aofia ai le mulumuluga faalesauniga ma faauuga e faatusa i e faamamaina o o latou loto o le a latou mafaia ona fesootai ma le lagi. I ni nai masina a o loma le faapaiaga o le malumalu, sa tusia ai e Viliamu W. Phelps, “O loo tatou sauniuni ia faamamaina i tatou lava, e ala i le faamamaina muamua o o tatou loto, lafoai o a tatou agasala, faamagalo atu i tagata uma, … fai o tatou ofu talafeagai, e ala i le faauuina o o tatou ulu ma le tausiga o poloaiga uma.”6

I le taimi o sauniga o le faapaiaga mo le malumalu i le aso 27 ma le 31, o Mati 1836, ma i le potopotoga paia i le aso 30 Mati, sa lipotia mai ai e Iosefa Samita ma isi i faaaliga mamalu faaleagaga, e aofia ai ma faaaliga mai le lagi ma le tautala i gagana.7 I le aso 3 Aperila, sa vaaia ai e Iosefa Samita ma Oliva Kaotui se faaaliga mai o Iesu Keriso ma asiasiga mai perofeta faatusi paia eseese.8 I le ta’ua ai o nei aafiaga “o se faamanatuga lava o le Penetekoso,” e lei pine ae auina atu e Iosefa ia Heber C. Kimball ma isi i la latou uluai misiona i fafo i le talafaasolopito o le Ekalesia.9

Ata
Ata faatusa o le Faaola i le Malumalu o Katelani.

Ata faatusa o le afio ifo o le Faaola i le Malumalu o Katelani i le aso 3 Aperila, 1836

Faamatalaga

  1. Joseph Smith, “Revelation, 2 January 1831 [MFF 38],” in Revelation Book 1, 52, josephsmithpapers.org

  2. Tagai “Endowment,” josephsmithpapers.org.

  3. Luka 24:49.

  4. Tagai Charles G. Finney, Power from on High: What Is It? (Boston: Willard Tract Society, ca. 1870), 3–8. Tagai foi John Fea, “Power from on High in an Age of Ecclesiastical Impotence: The ‘Enduement of the Holy Spirit’ in American Fundamentalist Thought, 1880–1936,” Fides et Historia, vol. 26, no. 2 (1994), 23–35.

  5. Iosefa Samita, “Faaaliga, 27–28 Tesema 1832 [MFF 88:1–126],” i le Tusi o Faaaliga 2, 45–46, josephsmithpapers.org; Iosefa Samita, “Faaaliga, 1 Iuni 1833 [DC 95],” i le Tusi o Faaaliga 2, 59–60, josephsmithpapers.org; Iosefa Samita, “Faaaliga, 22 Iuni 1834 [DC 105],” i le Tusi o Faaaliga 2, 97–100, josephsmithpapers.org. O nisi o le Au Paia o Aso e Gata Ai i Katelani sa muai talitonu i le faaeega na oomai i se konafesi sa faia ia Iuni 1831. Tagai John Corrill “A Brief History of the Church of Christ of Latter Day Saints, 1839,” 18, josephsmithpapers.org; “Minutes, circa 3–4 June 1831,” in Minute Book 2, 3–4, josephsmithpapers.org; Mark Lyman Staker, Hearken, O Ye People: The Historical Setting for Joseph Smith’s Ohio Revelations (Salt Lake City: Greg Kofford Books, 2009), 147–68.

  6. William W. Phelps letter to Sally Phelps, Jan. 1836, in Bruce A. Van Orden, ed., “Writing to Zion: The William W. Phelps Kirtland Letters (1835–1836),” BYU Studies, vol. 33, no. 3 (1993), 574; sipelaga ua faalaugatasia.

  7. Joseph Smith, “Journal, 1835–1836,” 172, 190, 193, josephsmithpapers.org; Steven C. Harper, “‘A Pentecost and Endowment Indeed’: Six Eyewitness Accounts of the Kirtland Temple Experience,” in John W. Welch, ed., Opening the Heavens: Accounts of Divine Manifestations, 1820–1844 (Provo, Utah: Brigham Young University Press, 2005), 327–71.

  8. “Faaaliga, 3 Aperila 1836 [MFF 110],” in Joseph Smith, Journal, Sept. 1835–Apr. 1836, 192–93, josephsmithpapers.org.

  9. “Journal, 1835–1836,” 192–93, josephsmithpapers.org. O faifeautalai na muamua atu, ia sa auina i vaega o Kanata sa mulimuli i upegafesootai patino ma sa lei mafaufauina i latou lava faapea na tuuvaa atu i se misiona “i fafo” pe sailia foi ia ituaiga ua leiloloa o Isaraelu mo le faapotopotoina mai. Sa ta’ua e Heber C. Kimball ma isi lana misiona i le 1837 i Peretania Tele o le uluai taumafaiga i le lalolagi atoa o le faapotopotoina. Tagai i le Faatomuaga Faasolopito i le “Recommendation for Heber C. Kimball, between 2 and 13 June 1837,” in Brent M. Rogers, Elizabeth A. Kuehn, Christian K. Heimburger, Max H Parkin, Alexander L. Baugh, and Steven C. Harper, eds., in Documents, Volume 5: October 1835–January 1838. Vol. 5 in the Documents series of The Joseph Smith Papers, edited by Ronald K. Esplin, Matthew J. Grow, and Matthew C. Godfrey (Salt Lake City: Church Historian’s Press, 2017), 398–400.